انا حلمي اننا نشجع المبتكرين من الشباب فمثلا قرأت ان هناك شاب ابتكر طريقة لفصل الهيدروجين من الماء وعمل يوتيوب علي النت بيوري فيه ازاي هوه عمل جهاز بسيط يفصل الهيدروجين من الماء واستخدمه فعلا في ادارة السيارة وفي الطهي .
افتكرت لما شفت الفيديو ده مقال ودراسة كبيرة في الاهرام عن مشروع لفصل الهيدروجين من الماء من بحيرة ناصر للظروف الطبيعية من حرارة ورطوبة هناك وان المشروع ده ممكن يمون العالم كله بالهيدروجين النظيف كوقود وبعد كده اتقفل علي الموضوع ده ، تصوروا ان مصر هتصبح اغني دولة في العالم اجمع بالهيدروجين ده وتصوروا حجم الهناء والرفاهية التي يتمتع بها المصري وكم الاحترام من كل شعوب العالم له وكيف ان العالم كله يخطب ود المصريين من اجل مشروع واحد ممكن نتجمع كلنا ونشترك مع بعض ونعمله .
والموضوع موش حلم ولكن العلماء عندنا كتير ومادام انسان هاوي عمل المشروع ده علي نطاق ضيق فممكن يعمله علي نطاق واسع .
وهتقولوا نجيب منين التمويل اقول لكم نعمل شركه ونشترك فيها كلنا فمثلا لو عندنا عشرين مليون شاب ومصر الحمد لله مليانه شباب وشابات وعملنا سهم للشركه ب مائة جنيه فقط وكل انسان اشتري عشرة اسهم فما فوق حسب امكانياته فكم ممكن نجمع رأس مال يعني عشرين مليون مضروبه في الف جنيه يعني = 20,000,000,000 يعني عشرين مليار جنيه.
من المشاريع المقترحة التي يمكن تنفيذها فورا عدا مشروع فصل الهيدروجين عن الماء :
مشروع جمع واعادة تدوير النفايات وعمل منها السماد العضوي ومواد اخري هامه
مشروع تنقيه مياه المجاري وتحويلها الي سماد عضوي ومياه صالحة للزراعة الصحيحة .
مشروع اقامه محطات تنقية مياه البحر بدون استخدام الطاقة النووية باستخدام الطاقة الشمسيه
مشروع تحويل حنفيات مياه المساجد والمنازل الي حنفيات اليكترونية تنفتح عند وضع اليد تحتها وتغلق اتوماتيكي وبذلك نوفر كميات هائلة من المياه
مشروع توليد الكهرباء باستخدام طاقة الشمس و الرياح و حرارة باطن الارض
ايه رأيكم ممكن لو سمحتم تدوا تعليقكم علي المشروع بأسفل المقالة دي ، وربنا يوفق مصر وشباب مصر علشان مصر تتطور وتبقي سيدة العالم
ليست هناك تعليقات:
إرسال تعليق